موهوب عراقي يعزف مقطوعات عالمية على الغيتار

علي نبيل موهوبٌ عراقي لديِه اناملُ صغيرة لكنها تعزفُ اروع المقطوعات لموسيقيين عالميين
عندما تسمع هذه الموسيقى قبل ان تشاهد فكانك تستمع الى فرقة متكاملة تعزف... لكن الحقيقة ان من يعزف هنا هو شخص واحد والة واحدة .. انه علي ... عازف الغيتار ..الذي عزف احدى المقطوعات الشهيرة لبيتهوفن على طريقته الغريبة هذه و التي تعد من اكثر اساليب العزف الصعب و النادر على المستوى العالمي .
يبقول علي : مرة شفت عاليوتيوب واحد فرنسي ديعزف هيجي شي يعني هيجي ستايل فأستغربت كلش يعني قلت لو ؟؟ ما ادري بديت انه احاول شلون اعزف هذا الشي و احاول ان اسوي الاداء الي يسويه هو ، فكان هذا الشي كلش صعب الي و حاولت ان اعزف كلش هوايه الى ان اخترعت سوالف و الفت مقطوعات خاصة بيه.
تعرف علي على الة الغيتار عندما كان عمره اربعة عشر عاما بعد ان اجبر والده على شرائها له من اجل منعه من الخروج خوفا عليه من الخطف، الا انه سرعان ما اكتشف ان ابنه موهوب بشكل مثير للاهتمام.
يعلّق والد علي نبيل جمشيد في تصريح للسومرية نيوز : عزفت مرة معزوفة ورا يومين ثلاثة قلدها و اكتشفنا انه الولد عنده موهبة و موهبته قوية فشجعناه و مشت الامور .الي ما يعرفه زين خلي يفتح يوتيوب مالته اكو معزوفة الى بيتهوفن عزفها على الكتريك غيتار و موجودة و خلي يشوفون القدرة مالته وهو جان زغير... فد شي موطبيعي يعني حقيقة ،،بلبنان ماكو هيجي شي ولا بالبلدان العربية مو لكونه ابني
ويتابع علي : التشجيع الي دا الاقيه فقط هو من اهلي و اصدقائي ، يعني خلي نكول حلو انه دا اسوي فد شي ، و المفروض ان الاقي التشجيع
مديرية الشبابفي اقليم كردستان تحدثت عن مقترحات و خطط خاصة بالشباب سيتم تنفيذها قريبا .
ويلفت ازمر خليل نائب مدير مديريةالشباب في اقليم كردستان العراق: لدينا مقترحات خاصة للشباب و خطة خاصة و انشالله عن قريب نكدر نغطي المطاليب شبابنا في اقليم كردستان حسب الامكانية المتوفرة علينا و كما تعرفون هذه المديرية العامة للشباب هي جديدة لان قبل جانت مديرية عامة للشباب و الرياضةو حاليا انفصلت عن بعض ، لكن يحتاجلها الوقت لكي يطبق هذا المنهج .
انامل صغيرة عزفت مقطوعات شهيرة لموسيقيين عالميين على طريقتهم الخاصة و التي نالت اعجاب عشرات الالاف من الاشخاص على مواقع التواصل الاجتماعي ..غير ان هذه الموهبة تحتاج الى دعم من الجهات المعنية لكي تأخذ دورها على طريق الابداع.
الوكالات:السومرية نيوز



